Preparándonos para a festa

A comisión organizadora mantivo onte unha reunión con persoas que van a colaborar no evento, coa intención de deixar atados todos os detalles. Agradecemos moito a colaboración desinteresada de moit@s veciños de Corme e arredores que apoian e traballan pola Festa do Percebe.

Programa da festa

Así transcorrerá a xornada de festa:

• Ás 12.00h Misa solemne na honra dos percebeiros/as falecidos/as. Igrexa nosa señora dos Remedios de Corme. Misa cantada pola Coral Brisas do Mar.
• A partires das 12.30h xa se poderá comezar a comprar os tickets para percebe, pulpo e empanada.
• A partires das 13.00h pasarrúas da Charanga Os Kilomberos de Monte Alto e o Grupo de Gaitas Donaire da coruña.
• Ás 13.30h pregón a cargo de Ramón Pombo Castro, Bergantiñán do ano 2011. Na praza da Ribeira.  Apertura do recinto de degustación.
• Ás 14.00h Comezo da festa con sesión de DJ na Praza da Ribeira durante todo o día.

Lembramos que a organización contará con parking gratuíto e unha gran carpa, por se o tempo non quixera acompañarnos.

Advertisement

O Grupo de gaitas da A.C Donaire da Coruña actuará na Festa do Percebe

Finalmente, non nos poderá acompañar a Banda de Gaitas Maruxía de Laxe, pero contaremos cun gran grupo de gaitas da asociación cultural Donaire da Coruña.

Os Kilomberos de Monte Alto repiten este ano

Os Kilomberos de Monte Alto volverán a actuar na Festa do Percebe este ano. Festa rachada polas rúas de Corme.

Moncho Pombo, pregoeiro da XX Festa do Percebe

O cormelán Moncho Pombo Castro, bergantiñán do ano 2011, será o pregoeiro da XX Festa do Percebe do Roncudo, que se celebra o vindeiro 7 de xullo.

Benvidos

Ola, benvidos ao blogue oficial da XX Festa do Percebe de Corme. Estades todos convidados a pasarvos polo noso pobo.